Нұрмұхан Жантөрин атындағы музыкалық-драма театры : Репертуар : Бір түп алма ағашы

Бас бет Репертуар

Репертуар: Бір түп алма ағашы

Жанр: драма

Автор: Ә. Оразбеков

Реж: М.Ахманов

Әлімбек Оразбеков

«Бір түп алма ағашы»

(драма)

Ә.Оразбековтың «Бір түп алма ағашы» психологиялық драмасы көрерменге туған ауыл, өзі өскен шаңыраққа деген әрбір адамның парызын қайта оралтып, көп ойларға жетелейді. Ауылда науқас баласымен қалған ана мен қалада тұратын балаларының кереғар тірліктері жаныңды күйзелтіп, еріксіз мұңға бөлейді. Психологиялық драманы көре отырып, әрбір көрерменнің туған елі ғана емес, туған шаңырақ пен ата-ана алдындағы перзенттік парызы атойлап шыға келеді. Басты кейіпкер Ана мен оның мүгедек баласы, қаладан келген үлкен ұл, тұрмыстағы қыздар мен күйеу балалар – сан түрлі мінез-құлықтың иелері. Көрерменге көп ой салып, жанарына жас үйірілтетін осындай шығарма, жан дүниенің таза болуына үндейді.

Күтімсіз гүл де солады, ағаш та қурайды. Мейірім нәрін молынан сіңірген мәуелі ағаш жемісін көбірек салады. Күретамырдан тараған қуат күшін әр бұта өзіне қажетті мөлшерде ғана қабылдай алмаса, жапырақ сарғаяды, бұта да сынады, алып ағаш та құлайды. Адам да солай... Береке-бірлік, татулық болмаған отбасында жүректің жылуы қайдан болсын?! «Өмір... Өмір... Өмір бәрібір өз дегенін істемей қоймайды. Тағдырмен күресу үшін таусылмас күш, талмас қажыр-қайрат керек. Адамдар ер жетіп, шаңырақ көтеріп, бөлек шыққан соң бір-бірінен суынып, бауырлар бөтенсініп кетуі керек пе? Ондай заңды кім шығарды? Әлде, бұл – табиғаттың заңы ма?.. Олай болса, ондай заңның көк тиынға керегі не?!.»

Қоюшы режиссер: Мұрат Ноянбайұлы Ахманов,

ҚР еңбек сіңірген артисі

Қоюшы суретші: Гүлнар Қанафина

ҚР мәдениет қайраткері

Жанры: драма

Рөлдерде:

Дәметкен – Сәуле Бағланбаева, Анар Бейсенбина

Мақсат – Ақылбек Мысабаев

Ерғали – Медғат Өмірәлиев

Әлия – Эльмира Керімбаева

Ләйлә – Айдана Жантақбаева

Тұрсын – Рамазан Ақтаев