Н.ЖАНТӨРИН АТЫНДАҒЫ
МАҢҒЫСТАУ ОБЛЫСТЫҚ
МУЗЫКАЛЫҚ ДРАМА ТЕАТРЫ
ХХ ЖЫЛ

Нұр-Сұлтан. «Музыкалық жас көрермен театрының» салтанатты ашылуы өтті.

Елордада Қазақстан Республикасының Тәуелсіздігі күні қарсаңында үстіміздегі жылдың 14 желтоқсанында Нұр-Сұлтан қаласы әкімдігінің «Музыкалық жас көрермен театрының» салтанатты ашылуы өтті. Театрдың алғашқы маусымы Абай Құнанбайұлының 175 жылдығына орай сахналанған М.Әуезовтың «Абай-Тоғжан» музыкалық драмасымен шымылдығын түрді.
Н. Жантөрин атындағы Маңғыстау облыстық музыкалық драма театрының ұжымы атынан театрдың көркемдік жетекшісі әрі бас режиссері, ҚР еңбек сіңірген қайраткері Мерғалиева Гүлсина Бақытжанқызы осынау айтулы шараның куәсі болып, театрдың ашылуына қатысқан болатын.
Қазақстан театрларының қатарына қосылған жаңа театрдың ашылуымен театр директоры Маемиров Асхат Мақсымұлын және театр ұжымын шын жүректен құттықтаймыз.
Сіздерге шығармашылық толағай табыстар тілейміз!