ЖАНТӨРИН ЖҰЛДЫЗЫ ЖАРҚЫРАЙ БЕРЕДІ

   Н.Жантөрин атындағы    облыстық музыкалық драма театрының Көркемдік кеңесі ұлттық сахна өнерінің ұлы актері Нұрмұхан ағамыз атындағы сыйлық тағайындау жөнінде ұйғарым жасады. Ондағы мақсат – сол арқылы  қазақ театр өнерінің дамуы мен нығаюына, оның ішінде облыстық театр іргесін қаласып, қанат жаюына белсене үлес қосып, қажырлы еңбек етіп келе жатқан театр қайраткерлеріне лайықты құрмет көрсетіп, кейінгі толқын жастарға үлгі ету. Шығармашылық бастамаларға жол ашып, театр қайраткерлерінің жоғары кəсіби машықтарды меңгерулеріне, танымалдықтарының артуына ықпал ету. Сыйлық 2017 жылдан бастап дəстүрлі түрде Халықаралық театр күні мерекесіне орай, жылына бір рет, тек қанаН.Жантөрин театры қызметкерлеріне ғана беріледі.

Жақында, Халықаралық театр күні Нұрмұхан Жантөрин атындағы театр сыйлығы алғашқы иегерлеріне салтанатты түрде тапсырылды.

Нөмірі бірінші куəлік пен бетінде  Н.Жантөриннің бейнесі алтынмен апталып бедерленген күміс төсбелгі ҚР еңбек сіңірген қайраткері, "Парасат" орденінің иегері, есімі елімізге танымал мəдениет қайраткері Нұрнияз Мұқановқа тапсырылды.

Екінші нөмірлі куəлік пен сондай төсбелгі театрдың көркемдік жетекшісі жəне бас режиссері, ҚР еңбек сіңірген қайраткері, тəуелсіз "Тарлан" сыйлығының жəне көптеген отандық, сондай-ақ халықаралық театр байқаулары сыйлықтарының иегері Гүлсина Мерғалиеваға табыс етілді.

Құрылғанына небәры он төрт жыл толған өнер ұжымының негізгі қызметтік көрсеткіштері мен шығармашылық ізденіс-əлеуеті  жөнінен  республикадағы алдыңғы үштікке енуінде аталған тұлғалардың өлшеусіз еңбектері бар деп санайтын əріптестері Көркемдік кеңестің бұл шешіміне қуана қол соғып, жүлдегерлерге үлкен қошамет көрсетті.

Осы салтанатты жиын үстінде сондай-ақ 14-театр маусымы қортындыланып, кəсіби тұрғыда ең жоғары нəтижелерге жеткен театр қызметкерлері аталып, марапатталды.

Театрда алғашқы күннен бастап еңбек етіп келе жатқан Майра Бақбердиева «Жыл актрисасы – 2017» номинациясының, былтыр Ақтөбе қаласында Қазақстан Республикасының 25 жылдығына арналып өткізілген Қазақстанның драма театрларының XXIV Республикалық фестивалінде У.Шекспирдің “Гамлет” трагедиясындағы Гамлет рөлін сомдағаны үшін “Ең үздік ер адам бейнесі” номинациясымен марапатталған Кенжебек Башаров «Жыл актеры – 2017» номинациясының иегері атанып, дипломдармен жəне ақшалай сыйлықтармен марапатталды.

Сонымен қатар, сурет-көркемдеу цехының меңгерушісі Сайлыбай Тілеубаев "Театр тірегі – 2017", талантты жас актер Ратбек Абзал "Үміт күттірер – 2017" аталымдары бойынша жеңімпаздар болып танылып, тиісінше дипломдар  мен ақшалай сыйлықтар табыс етілді.

Театрға сіңірген еңбектері үшін бір топ қызметкерлер Қазақстан театрлар ассоциясының жəне облыстық  мəдениет басқармасының Алғыс хаттарымен марапатталды.

Артур Салпықов,

театрдың Көркемдік кеңесінің хатшысы.

Жарияланған күні: 0
Оқылған саны: 8637



17 маусым 2024

ОБЪЯВЛЕНИЕ о внутреннем анализе коррупционных рисков

31 мамыр 2024

Антикор жоспар

31 мамыр 2024

ҚР-ның "Сыбайлас жемқорлыққа қарсы күрес туралы" Заңының нормаларын түсіндіру

27 мамыр 2024

Әбіш әлемі положение 2024

27 мамыр 2024

Әбіш әлемі ережесі 2024

20 мамыр 2024

Сыбайлас жемқорлық тәуекелдеріне Ішкі талдау жүргізу туралы

25 желтоқсан 2023

Есеп. Сыбайлас жемқорлыққа қарсы заңнама нормаларын тапсыру

11 желтоқсан 2023

Есеп.Сыбайлас жемқорлыққа қарсы заңнама нормаларын сақтау

11 желтоқсан 2023

Н.Жантөрин атындағы облыстық музыкалық драма театры ұжымының жалпы жиналысының хаттамасы.

8 тамыз 2023

Қала тұрғындары мен қонақтарына арналған тамыз айының спектакльдері белгілі болды.

30 маусым 2023

Театрдың мерекелік маусымы жабылды.

30 маусым 2023

Театрдың тегін абонементі табысталды.

29 маусым 2023

Ұлттық домбыра күніне орай театрда іс-шаралар ұйымдастырылды.

27 маусым 2023

Нұрнияз Мұханұлы 75 жаста! Құттықтаймыз!

25 маусым 2023

Табылды Досымовқа арналған спектакль алдында романс кеш өтті

21 маусым 2023

Жаңа спектакльді көрермендермен талқылау жүргізілді

20 маусым 2023

Каспий жағасында театр өнерпаздары поэзия кешін өткізді

18 маусым 2023

Премьера! Франц Кафканың "Құбылу" әңгімесінің желісімен Ермен Аманшаевтың "Құбылу" спектаклінің тұсауы кесілді.

9 маусым 2023

Фариза мен Мұқағали спектаклінің аясында "Жырлайды жүрек" поэзия кеші өтті.

1 маусым 2023

1 маусым балалар күнініе тегін қойылым өтті

31 мамыр 2023

31 мамыр – Ашаршылық пен саяси куғын-сүргін құрбандардын еске алу күні.

20 мамыр 2023

Мұрат Қожаның концерті өтті

19 мамыр 2023

Театрымыздың бірқатар азаматтары мен азаматшалары марапатталды

17 мамыр 2023

“Сүйем сені, Театрым!” атты мерекелік концерті өткізілді.

 

Анықтама ақпараты

Касса: 60-10-04

Жалпы сұрақтар: 60-10-03

*Театр әкімшілігі қолайсыз жағдайлар орын алғанда, қойылымдарды ауыстыруға құқылы

Вы можете приобрести билеты онлайн

 

 

Нұрмұхан Сейітахметұлы Жантөрин

Жантөрин Нұрмұхан Сейітахметұлы (22 сәуір 1928 жыл Атырау облысы, Махамбет ауданы - 2 мамыр, 1990 Алматы) — актер, режиссер. Қазақ КСРнің Халық артисі (1966). Қазақ КСРның Мемлекеттік сыйлығының иегері. 

Толықтай Википедия

>