ФЕСТИВАЛЬ ҚАТЫСУШЫЛАРЫ ЖАНТӨРИН ЕСКЕРТКІШІНЕ ГҮЛ ШОҚТАРЫН ҚОЙДЫ
Ақтауда ІІ Халықаралық Каспий жағалауы елдерінің театр фестивалі бүгін салтанатты түрде ашылмақ. Шараға отандық және шетелдік театр ұжымдары келді. Олар 4 күн бойы қойылымдарын Маңғыстау жұртшылығына ұсынбақ. Каспий жағалауы елдерінің мәдени үндестігін, бірлігін, өнер алмасуын мақсат тұтқан фестиваль биыл екінші рет ұйымдастырылып отыр. Өткен жылы халық әртісі Асанәлі Әшімовтің 80 жылдығына арналса, биыл театр және кино өнерінің саңлағы Нұрмұхан Жантөриннің 90 жылдығына орайластырылды.
Фестивальге С.Амутбаев атындағы Мензелин мемлекеттік татар драма театры, Билех Савар Барбод театр тобы, Кемине атындағы Мары мемлекеттік драма театры (Түркменстан), Ғ.Мүсірепов атындағы Қазақ мемлекеттік академиялық балалар мен жасөспірімдер театры, Уфа мемлекеттік татар «Нұр» театры, Ақмола облыстық орыс драма театры, Әзірбайжан мемлекеттік Ұлттық академиялық драма театры және маңғыстаулық Н.Жантөрин атындағы драма театры қатысады.
Бүгін аталмыш ұжым өкілдері, Қазақстанның Еңбек ері Асанәлі Әшімов, Маңғыстау облысы әкімінің орынбасары Мақсат Сқақов, театр басшылары, өнер майталмандары Нұрмұхан Жантөрин ескерткішіне гүл-шоқтарын қойып тағзым етті. Өнер саңлағы жайлы естеліктер де айтылып, баспасөз жиынында ұйымдастырушылар шара төңірегіндегі сұрақтарға жауап берді.
- Нұрмұхан сөзін «Ой, опасыз!» деп бастаушы еді. Өзінің жақсы
көрген адамдарымен осылай қарым-қатынас жасайтын. Адай ғой, мінезді болатын, мінезді болмаса әртіс шықпайды адамнан. Башкурия, Татарстанға барып спектакль көріп жатқан кім бар? Сол себепті олардың бізге келіп қойылым қойып жатқаны өте жақсы. Әрі Нұрмұханды еске аламыз. Оның театрда да, кинода да еңбегі зор. Біз осы өнерге келгенде Нұрмұханға еліктеп келіп едік. 10 жастай үлкен мынау менің ағам (ескерткішті нұсқап). Нұрмұханның әруағы бәріңді қолдасын, жаны жәннатта болсын. Біз оны әркез әңгімемізге арқау етеміз, жазылатын кітабымызға қосамыз. Нұрмұхан жасасын, оның еңбегі жасасын! – деп естелігімен бөлісті халық әртісі Асанәлі Әшімов.
Халықаралық шара Маңғыстау облысы әкімдігі мен ТҮРКСОЙдың (Халықаралық түркі мәдениеті ұйымы) бастамасымен, ҚР мәдениет және спорт министрлігінің қолдауымен өткізіліп отыр.
- 2018 жыл Түрксойда «Мағжан Жұмабаев жылы» деп белгіленген
болатын. Соған орай ақынның шығармаларына арналған «Алыстағы бауырыма» атты жинақ жарық көрді. Бұдан бөлек биыл Шыңғыс Айтматов жылы деп жарияладық. Қазір Мағжанның жинағы әзірбайжан тіліне аударылып жатыр, бір айдан соң Бакуде және Анкара қаласында тұсауы кесілмек. Сондай-ақ Мағжанның өлеңі басылған кәдесый да шығарылды, — дейді ТҮРКСОЙ өкілі Эльчин Гафарлы. Алғашқы фестивальге 4 ұжым қатысса, биыл олардың қатары 8 ұжымға жетті. Достық фестивалі 16 қыркүйек күні аяқталады.
Теңге БЕКМҰРЗАЕВА
Суреттерді түсірген Серік МАЙЕМИРОВ
29 қыркүйек 2017
Н.Жантөрин атындағы музыкалық драма театр ХV театр маусымы салтанатты түрде ашылды
23 ақпан 2017
Әлихан Бөкейханов туралы 25 жылда бiр пьеса жазылған жоқ
6 мамыр 2016
Жас режиссерлердің тәжірибелік зертханасы
5 мамыр 2016
Медғат Өмірәлиев
20 сәуір 2016
МАЙРА БАҚБЕРДИЕВА: «МЕН КӨБІНЕ АНАЛАР БЕЙНЕСІН СОМДАЙМЫН»
6 сәуір 2016
Театр сахнасында жаңа кейіпкерлер
5 сәуір 2016
Сахна сәні – Бану Манкеева
18 қараша 2015
До свидания, фестиваль, до новых встреч!
26 ақпан 2013
«Іздедім сені» немесе махаббат пен ізгілік баяны
Анықтама ақпараты
Касса: 60-10-04
Жалпы сұрақтар: 60-10-03
*Театр әкімшілігі қолайсыз жағдайлар орын алғанда, қойылымдарды ауыстыруға құқылы
Вы можете приобрести билеты онлайн
Соңғы хабарлар
27 маусым 2023
Нұрнияз Мұханұлы 75 жаста! Құттықтаймыз!
25 маусым 2023
Табылды Досымовқа арналған спектакль алдында романс кеш өтті
21 маусым 2023
Жаңа спектакльді көрермендермен талқылау жүргізілді
20 маусым 2023
Каспий жағасында театр өнерпаздары поэзия кешін өткізді
18 маусым 2023
Премьера! Франц Кафканың "Құбылу" әңгімесінің желісімен Ермен Аманшаевтың "Құбылу" спектаклінің тұсауы кесілді.
09 маусым 2023
Фариза мен Мұқағали спектаклінің аясында "Жырлайды жүрек" поэзия кеші өтті.
01 маусым 2023
1 маусым балалар күнініе тегін қойылым өтті