Н.ЖАНТӨРИН АТЫНДАҒЫ
МАҢҒЫСТАУ ОБЛЫСТЫҚ
МУЗЫКАЛЫҚ ДРАМА ТЕАТРЫ
ХХ ЖЫЛ

Түркияның Ақтаудағы бас консулы Музаффер бей Ақйылдырым мырза театрда болды.

Қазақстан мен Түркия арасындағы іскерлік ынтымақтастықпен қатар мәдени байланыстар да күннен күнге өрістей түсуде.Оған біздің театрымыз да өз үлесін қосуда.Мәселен соңғы жылдары театрымыз Түркияның Ізмір, Трабзон қаласындағы халықаралық театр фестивалдеріне қатысып, сахна сайысында шеберлігін шыңдап, арнайы дипломдармен марапатталды.Өткен жылы Стамбулдың атақты Мемлекеттік театры Ә. Кекілбаевтың сексен жылдығына арналған "ӘБІШ ӘЛЕМІ" І Халықаралық театр фестиваліне қатысып,жоғары өнер үлгісін көрсетті.
Ал бүгін Түркияның Ақтаудағы бас консулы Музаффер бей Ақйылдырым мырза театрда болды.Ол театрдың жақында тағайындалған басшысы Гүлсина Бақытжанқызын жаңа лауазымымен құттықтап, табыс тіледі.
Өзара әңгімеде Жантөрин театры мен түрік театрлары арасындағы кәсіби- шығармашылық байланыстарды одан әрі дамыту мәселелері талқыланды.